നക്ഷത്രങ്ങളും കൂറും

   വര്‍ഷഫലം മാസഫലം, വാരഫലം, ഗോചരഫലം, ജാതകപ്പൊരുത്തം തുടങ്ങിയവയില്‍ കൂറ് ഏതെന്ന് ചോദിച്ചാല്‍ പലര്‍ക്കും ഒരു സംശയം. സംശയനിവാരണത്തിനായി കൂറിന്‍റെ ജന്മരാശിയുടെ പട്ടിക താഴെ നല്‍കുന്നു. "ച" കാണിച്ചിരിക്കുന്ന രാശിയാണ് കൂറ്. ’ച" മേടത്തിലാണെങ്കില്‍ മേടക്കൂറ്.

കാര്‍ത്തിക, മകയിരം, പുണര്‍തം, ഉത്രം, ചിത്തിര, വിശാഖം, ഉത്രാടം, അവിട്ടം, പൂരുരുട്ടാതി എന്നീ നക്ഷത്രങ്ങള്‍ രണ്ട് കൂറില്‍ വരാവുന്നതാണ്. ഈ നക്ഷത്രക്കാര്‍ അവരവരുടെ ജന്മനക്ഷത്രത്തിന്‍റെ സ്ഥിതി നിശ്ചയപ്പെടുത്തി ’കൂറ് ഇന്നതാണെന്ന് ഉറപ്പാക്കണം. കൂറ് തെറ്റിയാല്‍ വിശേഷിച്ചും തല്‍ക്കാല ഫലം തെറ്റും. ഗ്രഹനിലയില്‍ "ച" രേഖപ്പെടുത്തിയിരിക്കുന്ന രാശിയുടെ പേരുതന്നെയാണ് അവരവരുടെ കൂറ്.

കൂറ്      -       നക്ഷത്രങ്ങള്‍

മേടക്കൂറ്        –              അശ്വതി, ഭരണി, കാര്‍ത്തിക ആദ്യപാദം

ഇടവക്കൂറ് –              കാര്‍ത്തിക അവസാന മുക്കാലും രോഹിണിയും 

                മകയിരത്തിന്‍റെ ആദ്യ പകുതിയും

മിഥുനക്കൂറ്   –            മകയിരത്തിന്‍റെ രണ്ടാം പകുതിയും തിരുവാതിരയും                              പുണര്‍തത്തിന്‍റെ ആദ്യ മുക്കാല്‍ ഭാഗവും

കര്‍ക്കടകക്കൂറ്  –           പുണര്‍തത്തിന്‍റെ അവസാന പാദവും പൂയം, ആയില്യവും

ചിങ്ങക്കൂറ്     –          മകം, പൂരം, ഉത്രത്തിന്‍റെ ആദ്യ പാദം

കന്നിക്കൂറ്    –            ഉത്രത്തിന്‍റെ ഒടുവിലത്തെ മുക്കാല്‍ഭാഗം, അത്തവും                                                                                ചിത്തിരയുടെ ആദ്യ പകുതിയും

തുലാക്കൂറ്   –          ചിത്തിരയുടെ രണ്ടാം ഭാഗവും ചോതിയും വിശാഖത്തിന്‍റെ                   
                                 ആദ്യത്തെ മുക്കാല്‍ഭാഗവും

വൃശ്ചികക്കൂറ്   –        വിശാഖത്തിന്‍റെ അവസാനപാദവും, അനിഴം, തൃക്കേട്ടയും

ധനുക്കൂറ്      –          മൂലം, പൂരാടവും, ഉത്രാടത്തിന്‍റെ ആദ്യ പാദവും.

മകരക്കൂറ്  –          ഉത്രാടത്തിന്‍റെ അവസാന മുക്കാലും തിരുവോണവും                                    അവിട്ടത്തിന്‍റെ ആദ്യപകുതിയും.

കുംഭക്കൂറ്  –                  അവിട്ടത്തിന്‍റെ രണ്ടാം പകുതിയും ചതയവും                                         പൂരുരുട്ടാതിയുടെ ആദ്യ മുക്കാല്‍ഭാഗവും.

മീനക്കൂറ് –                          പൂരുരുട്ടാതിയുടെ അവസാന കാല്‍ഭാഗവും ഉത്തൃട്ടാതിയും                                     രേവതിയും.

ജന്മശിഷ്ടം / ശിഷ്ടദശ

അശ്വതി, മകം, മൂലം                                   –    കേതു        –        7 വര്‍ഷം

ഭരണി, പൂരം, പൂരാടം                               –    ശുക്രന്‍     –       20 വര്‍ഷം

കാര്‍ത്തിക, ഉത്രം, ഉത്രാടം                          –    സൂര്യന്‍    –       6 വര്‍ഷം

രോഹിണി, അത്തം, തിരുവോണം            –    ചന്ദ്രന്‍     –     10 വര്‍ഷം

മകയിരം, ചിത്തിര, അവിട്ടം                       –    ചൊവ്വ     –     7 വര്‍ഷം

തിരുവാതിര, ചോതി, ചതയം                    –     രാഹു     –      18 വര്‍ഷം

പുണര്‍തം, വിശാഖം, പൂരുരുട്ടാതി             –    വ്യാഴം    –    16 വര്‍ഷം

പൂയം, അനിഴം, ഉത്തൃട്ടാതി                         –    ശനി         –     19 വര്‍ഷം

ആയില്യം, കേട്ട, രേവതി                                –    ബുധന്‍    –     17 വര്‍ഷം

അശ്വതി മുതല്‍ മുമ്മൂന്ന് നക്ഷത്രങ്ങളില്‍ ആര് ജനിച്ചാലും അതിന്റെ വലതുഭാഗത്തുള്ള ദശയിലായിരിക്കും ജനിക്കുക. ഉദാഹരണത്തിന് ആയില്യം, കേട്ട, രേവതിക്കാര്‍ ജനിക്കുമ്പോഴുള്ള ആദ്യത്തെ ദശ ബുധദശയാണ്. ശിഷ്ട ദശയറിഞ്ഞാലേ തങ്ങള്‍ക്ക് ഇപ്പോള്‍ ഏത് ദശയാണെന്ന് അറിയാന്‍ കഴിയൂ. 
              ഉദാഹരണത്തിന് അശ്വതി നക്ഷത്രത്തില്‍ ജനിച്ച ആളിന്റെ ആദ്യദശ കേതുവാണല്ലോ. ഒരാള്‍ ജനിച്ചപ്പോള്‍ കേതു അഞ്ച് വയസ്സ് ശിഷ്ടദശയായി ഉണ്ടെങ്കില്‍, ഇപ്പോള്‍ 55 വയസ്സുള്ള ആ ആളിന്റെ ദശ ഏതായിരിക്കും. കേതു 5 + ശുക്രന്‍ 20 + സൂര്യന്‍ 6 + ചന്ദ്രന്‍ 10 + ചൊവ്വ 7 + രാഹു 18 = 66. ഈ ആളിന് 48 വയസ്സുമുതല്‍ 66 വരെ രാഹുദശയെന്ന് മനസ്സിലാക്കാം. ഓരോ ദശയും എത്ര വര്‍ഷമെന്ന് മുകളിലത്തെ ചാര്‍ട്ടിലുണ്ട്.

ഗ്രഹ നില

                ഭൂമിയുടെ ഭ്രമണപഥത്തിന്റെ ഇരുപുറവും വ്യാപിച്ചുകിടക്കുന്ന സാങ്കല്പിക പാതയാണ് രാശിചക്രം. ഈ പാതയില്‍ കൂടി സുര്യചന്ദ്രന്‍മ്മാരും പഞ്ചതാരഗ്രഹങ്ങളും, രാഹുകേതുക്കളും, ഗുളികനും, ലഗ്നവും സഞ്ചരിക്കുന്നു. ഒരു കുട്ടിയുടെ ജനനസമയത്ത്, അഥവാ ഒരു സംഭവം നടക്കുമ്പോള്‍ ഓരോ ഗ്രഹങ്ങളും ഏതേത് രാശികളില്‍ എത്രയെത്ര ഡിഗ്രികളില്‍ നില്‍ക്കുന്നു എന്ന് കാണിക്കുന്നതാണ് ഗ്രഹനില.

സൂര്യനല്ല ഭൂമിയാണ് സഞ്ചരിക്കുന്നത് എങ്കിലും സൂര്യന്‍ സഞ്ചരിക്കുന്നതായിട്ടാണ് ജ്യോതിഷത്തില്‍ രേഖപ്പേടുത്തുന്നത്. അതുപോലെ ചന്ദ്രന്‍ ഭൂമിയെ ചുറ്റിയാണ് സഞ്ചരിക്കുന്നത് എങ്കിലും ചന്ദ്രനും മറ്റ് ഗ്രഹങ്ങളോടൊപ്പം തന്നെ രാശിചക്രത്തില്‍ സഞ്ചരിക്കുന്നതായി രേഖപ്പെടുത്തുന്നു. രാശിചക്രത്തിന്റേതായ രൂപം പ്രാദേശികമായി വ്യത്യാസം ഉണ്ട് എങ്കിലും പൊതുവെ ചതുരത്തിലുളള രാശിചക്രമാണ് ഉപയോഗിക്കുന്നത്.